出發前看天氣報告, 預測四日的頭三日都有多雲兼下雨, 極憤怒! 但到埗第一日竟然整日天氣也很好, 心想希望往後三日都是如此, 但我又怎會那麼好彩呢? 果然第二日到達Colmar 的一個小時後便 開始行雷閃電, 之後仲落..."薄"!
無錯, 竟然落薄! 仲要很大粒呢! 幸好當時在一個博物館附近, 於是立即衝入去避一避. 不過其實要多謝這場薄及雨, 因為落雨關係, 我決定早一個小時乘巴士入去其中一個小鎮遊覽, 亦因此我可以早三個小時返回Colmar (因為巴士班次的問題).
Alsace這個地區盛產葡萄, 最出名的是白酒, 所以在Colmar每日都有巴士行走"葡萄之路"(Route de Vins)然後停各小鎮, 於是今日就去了Kaysersberg.
乘了30分鐘巴士便到達, 薄當然一早已經停了, 但雨仍頗大, 不過並沒有打退的我的興緻, 因為這個小鎮很靚呀!
真係幾大粒的"薄"
山上的就是葡萄田
Kayserberg 曾獲得歐洲最佳花卉園藝城市獎, 果然名不虛傳, 難得居民都好齊心地種花
本人極鍾意後面紫色那間屋, 住在裡面一定可以發個好夢!
這間屋建於1594年, 年紀不輕
我覺這間屋裡面應該住了小矮人
這個"物體"是Alsace特產, 有大有細
這些就是迷你版, 買了一個原味吃, 看似個蛋糕, 其實是個麵包, 不好吃也不難吃
在Kaysersberg 逛了兩個多三個小時, 便乘巴士返回Colmar, 臨走前買了個地道食品"洋蔥撻", 都幾好味.
Colmar 比起Strasboug 絕不遜色, 周圍都是五顏六色的小屋及花, 今日還正好有大市集, 熱鬧非常, 不過貨品毫不吸引. 也好, 可慳錢.
逛到差不多六時多, 便乘火車返回Strasbourg.
Colmar 市中心
當地人真是很有生活情趣, 你會不會在屋外放7個小矮人?
間屋好似被劈開了一半
總有一間o係左近
大部份法國人信奉天主教, 教堂不可少
只是畫上去的!
香港人無處不在
待續...
5 則留言:
dear~ 見到你報導你既 weekend trip 既開心又寫意!! 羨慕ing~~~ V.V~~
前日睇新聞報導法蘭西東南部城市有交通意外, 知道嘛, 聽到果刻個心真係離一離~ 香港天氣好熱呀~ 相信法國都不弱吧! 外出緊記多飲水, 唔好長時間曬太耐, 不要中暑喔!! take good care!! miss u baby!! XDD~
Strasbourg同Colmar都真,真,真係好靚呀! 如果可以既話,真係想一齊跑去! ^o^
嗰啲 Bread同Cake真係好難分, 我想我也會給它騙到 ^^
By the way, 你的姐姐叫... "阿心" 嗎?
Take Care!
purple,
miss u too baby~~
琴晚食飯時先知有個幾勁既交通意外, 不過未知詳細呢!
呢度唔熱呀, 我呢兩晚瞓覺仲要蓋棉被呀!誇唔誇呢?
sara,
o個度真係好靚, 有機會你都同高佬黎啦, 不過最好係7,8月, 因為係開花季節.
係呀, 我家姐叫阿心, 我都聽聞佢呢排出鏡率好高,可能想轉做幕前...........嚇人, 哈哈!
阿心出鏡率最近頗高, 好像連績兩星期都有見到佢, 阿蘇仲好似幾鍾意佢Tim架, 又幾靚女, 又幾親切,OK喎, 一啲都唔嚇人... 如果佢轉做幕前, 我要索簽名. *v*
法國現在幾多度? 香港昨天是大暑,大家都渴多點涼水吧! (I am a "slide" 師奶 ^^)
Miss you and Take Care!
你好好"腳頭"呀, 落薄!不過歐洲近來都天氣不穩, 英國都水災.
我最近都不斷整麵包, 你返黎有口福啦
發佈留言