澳門行

上兩個星期到了澳門兩日, 一半目的當然係--食啦!

水蟹粥, 唔錯

椒鹽田雞 - 比香港的大隻很多, 雖然很熱氣又有點咸, 不過好好食.



花甲煲 - 朋友說花甲比蜆大隻, 不過這些其實跟蜆差不多大, 但這個煲內我懷疑有至少三百隻, 食極也食不完.



海鮮飯 - 好食, 有少少西班牙飯Parella的感覺



包都好好味道, 熱辣辣, 脆卜卜



咖啡+咖啡軟雪糕+巨型蛋糕, 這件蛋糕應該高過隻杯



攝於晚飯後.
究竟團友H是吃得太飽還是有了身紀呢? 暫時仲係個謎 ... 嘻嘻...



偷運了一個小學生入威尼斯人賭場, 好危險...

團友甲乙丙, 下次再一齊行動!

寫字樓內的咸蛋黃

一向都覺得個天好靚好好看, 例如藍天白雲, 傍晚時候滿天又橙又紅又紫, 又或者是夜晚碰巧有月圓等, 我都會有種"嘩..."的感覺, 然後呆望一陣.

早兩日五六時坐在寫字樓向東北面望竟然發現好大個咸蛋黃, 就由那一刻開始無法專心工作, 個頭就是不斷的向左邊望, 因為實在太靚了. 但老細就正好坐在太陽那個方向, 即是當我一望個太陽其實就正正望向他, 為免他誤會我不斷偷望他, 於是跟他說個太陽好靚, 他說"very nice view! (下刪一百字)", 然後我便名正言順地看日落.
那一刻其實極想拿相機出來影相, 但都是不敢, 雖然老細是個沒所謂的人.

第二日, 咸蛋黃再現, 而老細竟然早走, 嘿嘿...

Soulboy's Wonderland

幸好香港樂壇仲有方大同,
否則,
還可聽什麼?

Perrier賓納

打開公司雪櫃發現有支利賓納, 突然記得有舊同事講過溝Perrier好好飲,
於是今日就買了支Perrier試試.
都不俗, 大熱天時飲會更正. (不過近排公司好凍~~)

人出豉油我出雞!

Tarte au Chocolat

新年快樂!

2008年由一個朱古力撻開始, 希望整年都可以甜甜美美~

吸收了上次檸檬撻的"不完美"經驗, 今次的撻皮已做到滿意效果.
不過仍有進步空間, 包括朱古力可下少一點糖及減20度來焗 (表面現在有點燶).
而味道....則是頗不俗的,
例證1: 自已一口氣吃了四分一
例證2: 亞媽吃了一少啖後要多一件
例證3(亦係最有力的證明): 剛請了兩件給鄰居吃, 吃完後她跟她的囡囡一同過來問我拿食譜
嘿嘿~~~