因為之前聽說當地治安很差, 賊仔甚至會整個袋搶去,令我旱有地格外小心, 這包括索性連錢包都不用, 將所有錢及咭都放在褲袋之餘, 同時將一半財物放在酒店, 以確保就算被打劫也尚有一半錢及咭用. 仲有連相機都放褲袋, 總之如果賊仔夠膽搶我個袋, 他/她都只會得到一些爛地圖,紙巾,潤唇膏,水,太陽油等等.
做足最高戒備, 但最後係完全感覺不到治安差, 沒有見到有人被搶劫, 亦沒有什麼形積可疑的人. 而我住的那間平民價酒店竟然位處於一個如太子道及跑馬地混合體的住宅區, 就算夜了回酒店都感覺良好.
所以,當初膽粗粗決起行的決定是---明智的!
高迪設計的建築物, 整幢樓內內外外連個屋頂都係一件藝術品
不過入場費真係好貴, 肉都赤…
另一幢高迪建築
通去花園的大門有兩條大柱, 不知道蘇師傅會有何評價?
邊部份吸引你多一點呢?
以下是鼎鼎大名的聖家教堂, 足足起了超過一百年, 還未完成
教堂當然宏偉, 但起了一百年還未起好, 以我膚淺的看法, 原因有二, 首先係歐洲人懶, 其次係起好之後便沒有talking point.
所以我相信會用多一千年來興建
排了差不多一小時及付了兩歐只是為了乘電梯上頂層, 怎料上到去覺得太高, 有些怯, 於是極速返回地面.
遊客就是這樣無聊的了…
巴塞之行以麥噹噹為開始同時以麥噹噹為終結.
到埗時因為行了7條街也找不到東西吃(好興!),於是被迫吃Mcdo
臨走時則是因為差不多盤川用盡...所以局住吃Mcdo
吃了兩次西班牙飯Paella, 你估第一抑或第二個好吃一點?
雖然第二個有個鑊仔好似正宗一點, 但係第一個好吃好多好多好多...
這些西班牙飯比我想像中好吃, 起初以為這些飯會很"生"很"硬", 但結果不然, 飯雖然有點硬, 但絕對是可以接受的硬.
第二個其實也不差, 不過它的汁只是茄汁, 但第一個個汁好明顯有用海鮮或其他的肉煮過, 所以又濃又香又甜, 再加上熱辣辣, 真係好正好正好正...
10 則留言:
萬眾期待，跨境之旅終於出現。
不知何解，高廸的建築物令我想起日本的三鷹之森美術館(宮崎駿美術館)，它們的線條很相似。
問題一則：麥當當給你的兩支是什麼來的﹖食沙律的醋﹖(咁咪好正﹖)
一支係橄欖油,另一支係醋,ok正,感覺健康!
同埋我未去過三鷹之森美術館,下次比d相來看看!
嘻嘻, 似曾相識的畫面呀 !!
巴塞隆納比較安全同先進(相對西班牙其他地方), 你是否一個人去呀? 同埋點解食麥當當呀???巴塞d餐廳好平呀 !!
快d出第二集啦 !!
係呀,一個人去barcelona ka!
o係個間XX之家附近行咗好耐都搵唔到野食,得d鬼咁貴既餐廳,又餓又攰又曬,所以咪唯有食麥噹噹law!
barcelona認真唔錯,你有無買咗好多野?
仲有d飯真係好鬼好食,同意無?
baby, 如果我都可以與你同行就好了
會熱鬧得多 :) 對呀, 西班牙(歐洲人)給我的印象很襰.... 所以聖家堂遲遲未完工, 相信都係...
快啲番黎啦, 好掛住你
Hello Ellen,
我係一個即將到里昂工作一年的年輕香港人, 由於一個人去, 有d緊張, 擔心適應不到法國的生活, 所以上網找找志同道合, 就找到你的blog, 所以想問下可唔可以做個email 友... 認識一個在外地的香港人感覺會好些吧, 而且想問下一d心得. (email: lam_dee_dee@yahoo.com.hk)
Ellen, 是時候組織一個法國香港之友會了。:)
下次巴士之旅會去邊?
下一站-->Florence!
發佈留言