寫字樓內的咸蛋黃

一向都覺得個天好靚好好看, 例如藍天白雲, 傍晚時候滿天又橙又紅又紫, 又或者是夜晚碰巧有月圓等, 我都會有種"嘩..."的感覺, 然後呆望一陣.

早兩日五六時坐在寫字樓向東北面望竟然發現好大個咸蛋黃, 就由那一刻開始無法專心工作, 個頭就是不斷的向左邊望, 因為實在太靚了. 但老細就正好坐在太陽那個方向, 即是當我一望個太陽其實就正正望向他, 為免他誤會我不斷偷望他, 於是跟他說個太陽好靚, 他說"very nice view! (下刪一百字)", 然後我便名正言順地看日落.
那一刻其實極想拿相機出來影相, 但都是不敢, 雖然老細是個沒所謂的人.

第二日, 咸蛋黃再現, 而老細竟然早走, 嘿嘿...