Soulboy's Wonderland

幸好香港樂壇仲有方大同,
否則,
還可聽什麼?

Perrier賓納

打開公司雪櫃發現有支利賓納, 突然記得有舊同事講過溝Perrier好好飲,
於是今日就買了支Perrier試試.
都不俗, 大熱天時飲會更正. (不過近排公司好凍~~)

人出豉油我出雞!

Tarte au Chocolat

新年快樂!

2008年由一個朱古力撻開始, 希望整年都可以甜甜美美~

吸收了上次檸檬撻的"不完美"經驗, 今次的撻皮已做到滿意效果.
不過仍有進步空間, 包括朱古力可下少一點糖及減20度來焗 (表面現在有點燶).
而味道....則是頗不俗的,
例證1: 自已一口氣吃了四分一
例證2: 亞媽吃了一少啖後要多一件
例證3(亦係最有力的證明): 剛請了兩件給鄰居吃, 吃完後她跟她的囡囡一同過來問我拿食譜
嘿嘿~~~

未到聖誕的美味聖誕大餐

好友君妹變身為吳黃女士已有一段時間, 但今天才初次到她家拜訪.
因應朋友要吃聖誕大餐之要求, 屋主預備了一頓豐富的西餐. 素來知道屋主廚藝了得, 但不知道原來真係咁得, 這餐真是好吃到不得之了, 大廚臨走時還在我耳邊(毫不謙厚的)低說:我只用了三成功力...
好o野! 下次再試足你十成功力!

沙律+Ribs+意粉
樣樣都好味, 這個意粉是我吃過最好味的意粉~
唔... 我買的那枝紅酒也不俗.


我也帶了個蛋批到賀, 好彩都合格...


心太軟. 本人鯨吞 一個半, 正正正~~


十個叻~ Thank you darling~

Quiche Lorraine

這是一個蛋批的名字, 在法國時好鍾意食. 香港Delifrance都有, 不過好難食, 完全不是那個味.
所以唯有親自下廚.
成功!
就係這個味了~~

Quiche Lorraine par Ellen~~






這個是在里昂買的

食食食

早幾日和朋友們去了所謂的中國餐館吃中國菜(當然不會是我提意吧). 吃的雖然是中國菜, 但仍然係一人一個餐: 頭盤, 主菜,甜品, 感覺有點怪.

其實係越式中國菜


燒香蕉?


這個是雪糕, 個名堂叫Mystere "迷"


作為中國人真係無法領略到揸筷子有多困難, 但見朋友們真的揸得很吃力, 夾不到之餘, 食完餐飯仲話隻手好攰.


都係要把握機會去吃法國菜至係上策!

傳統的里昂餐廳
見這間一向很多客仔, 應該靠得住, 於是獨個兒入去嘆了個午餐~




這個頭盤嚴格上來說我不知道是什麼來的, 根據餐牌所說應該是雞肝, 但我吃時又不覺得似.
上面有些不知沉了什麼的提子和橙, 上下一起吃是頗不俗的.


主菜是條腸, 一向都喜歡吃這種腸, 它很得意的, 切開後裡面有很多肉碎, 與一般的腸不同
左上角是焗薯仔片, 上面有些洋葱, 好好吃
不過太多了, 只能完成一半(竟然...)


本來不是想點這個甜品的, "理解"錯了餐牌點錯了
別誤會它是個蛋糕, 它也不是心太軟, 它叫moelleux au chocolat, 照字面可解作soft chocolat, 不過其實一點也不soft, 其濃度及密度高到似一舊紅模泥
你見匙羹可以拮進去, 但當我拿起隻匙羹, 整個朱古力也能提起, 我要試幾下才可以將匙羹取出
不過真係好得, 再加上那個汁, 嘩~~
(話時話, 好飽時主菜只可以食到一半, 但飽極整個甜品都可以吃掉, 奇怪奇怪...)


這是我第一次飲咖啡.
我們香港人飲咖啡, 基本上已經包含了加奶的意思, 想走奶的話要叫齋啡; 但在法國的餐廳叫杯咖啡, 來的會是一杯齋啡, 想加奶的話是要額外叫的.
所以這杯是咖啡, 亦即是齋啡, 大部份人飯後無論食到幾飽都會嘆番杯, 不過是很細很細杯的.
真係好"kun"!


今晚已經係在這個法國家庭吃的最後一餐晚餐, 亞host 媽特別做了個芝士火鍋, 雖然只是點麵包, 但仍然非常唔錯, 不油不膩~

明天中午便上機, 有機會一定會返來再試盡這裡的美食啊!!

開估

真係估唔到, 竟然比最蠢那個估中!
Carmen, reserve 一排 dark chocolate truffle 比你做獎品~

Minatures = 迷你




其實放上來的相片只是很少很少部份, 仲有好多好得意的~